مرحبا بيكم فكوكب الجابون.. ريسطو تشهر بزاف فالعالم حينت كيصرفق الكليان ديالو

مرحبا بيكم فكوكب الجابون.. ريسطو تشهر بزاف فالعالم حينت كيصرفق الكليان ديالو
الجمعة 8 ديسمبر 2023 - 22:49

وكالات //

دار واحد الريسطو ياباني سميتو “إيزاكيا” Shachihoko-ya izakaya البوز ديال بصح في السوشل ميديا فالعالم كامل، ماشي حينت كيقدم شي ماكلة واعرة، ولكن حينت كيدير واحد الحاجة غريبة جدا.

هاد الريسطو، بالإضافة إلى الماكلة لي كيقدم، فهو ختارع واحد اللعيبة جديدة خلات الناس تهضر عليه، وهي انو كيصرفق الكليان ديالو، ايه اسيدي كيمرمقهم.

فبعد كل وجبة كيحطها ليك كتجي السرباية وكتصرفق، علاش؟ الله أعلم.

الفيديوات على هاد الريسطو دارو البوز نيت فالعالم، وخرج مول الريسطو من بعد وقال ان هاد القضية شهراتو بزاف وخلاتو يضاعف من الأرباح ديالو بعدما كان كيتشكا من مشاكل ف الاقبال عليه.

دابا الغريب فهادشي هو أن الناس مكتخلصش غير على الماكلة بوحدها، حينت كتخلص على التصرفيق حتى هو وكل تصرفيقة وثمنها.

 

اشترك في النشرة البريدية لتصلك آخر الأخبار
Loading...
Loading...
Loading...
تعليقات الزوار 0
اخر الأخبار
صوة وصورة