خاص جامعة القرويين وضريح مولاي دريس مايبقاوش جوامع تقام فيهم الصلوات ويتحولوا لمزارات سياحية ومتاحف مايمكنش جامعة بتاريخ القرويين يجيو ليها الناس من أقصى الأرض باش في اللخر يلقاو راسهم ممنوعين يدخلوا ويبقاو يشوفو غير من برا

خاص جامعة القرويين وضريح مولاي دريس مايبقاوش جوامع تقام فيهم الصلوات ويتحولوا لمزارات سياحية ومتاحف مايمكنش جامعة بتاريخ القرويين يجيو ليها الناس من أقصى الأرض باش في اللخر يلقاو راسهم ممنوعين يدخلوا ويبقاو يشوفو غير من برا
الثلاثاء 24 يناير 2023 - 17:00

محمد سقراط-كود///

واحد الخبر عجيب تنشر في موقع كود ذا نيت لي كنكتب فيه حول أن موقع تريب أدفايزر صنف مدينة فاس كأفضل وجهة ثقافية عالمية لأن فيها جامعة القرويين لي أقدم من أوكسفورد والسوربون، طبعا هادشي بصح ولكن فين عمر شي أجنبي شاف جامعة القرويين أصلا، بزاف منهم كيقطع نص العالم باش يزورها في اللخر كيجيبوه حتى للباب ويبقاو طالقين عليه المسيح ويطلق عينيه يشوف من برا وصافي، وهادشي الى جا وقت الصلاة راه يكون عندو الزهر باش يلقى الباب مفتوح، أما من غيرها راه الباب مبلع وكيدوزو السياح غير من حدا الحيط وكيبقاو المرشدين السياحيين كيعاودو في الأزليات والسياح غير كيكملو بمخيلتهم حيت ممنوع عليهم يدخلوا لأن جامعة القرويين كتقام فيها الصلاوات الخمس وبهذا راها جامع ممنوع على الأجانب يدخلو ليه، واخا راه في القرون السابقة كانوا كيقراو فيها حتى المسيحيين كاين بابا ديال الفاتيكان قرى في جامعة القرويين.

ومن غير جامعة القرويين وباقي المدارس العتيقة الأخرى فيناهي هاد الأماكن الثقافية التي يمكن زيارتها في مدينة فاس، مدينة منكوبة النشاط الثقافي الوحيد لي يمكن يتمارس في مدينة فاس هو الغدا في مشواة الزوجة التانية وتقدى الخليع من الرصيف وتعلق بحالك، الندينة مافيهاش أنشطة حتى لسكانها مابقى غير السياح لي كيحسو بلي زيارتهم مشات خلا فاش كيوصلوا حتى لباب ضريح مولاي دريس مثلا ومكيقدروش يدخلوا حيت حتى هو جامع وكيبقاو يصورو في النقش والجمال المعمار المغربي غير من الباب للأسف، بينما أي مغربي يمشي سياحة لأوروبا يمكن يدخل لكاع المزارات الدينية والكنائس والمتاحف ويتسارى ويتصور ويحضر للشعائر الدينية ويعيش الطقوس بلا مايقوليه تاواحد شحال في ساعة.

خاص جامعة القرويين وضريح مولاي دريس مايبقاوش جوامع تقام فيهم الصلوات ويتحولوا لمزارات سياحية ومتاحف مايمكنش جامعة بتاريخ القرويين يجيو ليها الناس من أقصى الأرض باش في اللخر يلقاو راسهم ممنوعين يدخلوا ويبقاو يشوفو غير من برا، جامعة عريقة بحال هاديك خاص تكون كلها متحف ومزار سياحي وماشي غير هي كاع الأضرحة والزوايا لي عندها قيمة ثقافية ودينية تتحول لأماكن سياحية الجوامع عطاهم الله يتبناو وحدين جداد فين يصليو الناس ولكن القيمة التاريخية والعراقة راه هي لي كيضربو عليها الناس الطريق وكيبغيو يشوفوها ويتعرفوا عليها وفي اللخر كيتمنعوا منها.

اشترك في النشرة البريدية لتصلك آخر الأخبار
أضف تعليقك
بارسالك للتعليق انت توافق على قوانين مجتمع السفير
تعليقات الزوار 0
اخر الأخبار
صوة وصورة
Loading…
Loading the web debug toolbar…
Attempt #