إلى متى غادي يبقى الشارع المغربي محتل من طرف صحاب الجيلي وفارضين القوانين ديالهم فيه، المواطن المغربي النفوذ ديالو كينتهي في باب دارو غير كيخرج من باب الدار بحال الى دخل لشي دولة وحدة خرى معادية وخاصو يخلص الجزية منين ماداز وفين ماوقف

إلى متى غادي يبقى الشارع المغربي محتل من طرف صحاب الجيلي وفارضين القوانين ديالهم فيه، المواطن المغربي النفوذ ديالو كينتهي في باب دارو غير كيخرج من باب الدار بحال الى دخل لشي دولة وحدة خرى معادية وخاصو يخلص الجزية منين ماداز وفين ماوقف
الخميس 24 نوفمبر 2022 - 15:00

محمد سقراط-كود///

في البدء كتكون الزنقة خاوية قبالت العمارة فوقاش ماجيتي كتحط طوموبيلتك ، من بعد يظهر الكائن البوصفيري مكيديرش الجيلي في اللول، كيبدى غير يتسخر للناس ويغسل الطوموبيلات بواحد الظرافة زايدة وسلام فلان السلام فلانة، حتى كيولفوه الناس كيتسخر ويوليو يعتامدو عليه شوية كتولي غير تركب في الطوموبيل كيوقف حداك ويبدى يبلاصي فيك ويتسناك تدور معاك، ولكن نهار كيلبس الجيلي هنا يتغير كل شيئ، وهنا كتولي نتا لي ساكن تما براني وهو مول الزنقة والأرض والسما والهوا والتراب، والى كانت الزنقة في المدينة حدا الإدارات هنا صافي كيولي هو المدير العام ديال القنت، كتلقاه خدام غير بالتيليفون مفرق النمرة على الموظفين والموظفات و كيصبح شاد ليهم البلاصة ونتا لي ساكن تم كتولي تجي لحومتك وماتلقاش فين تبلاصي، وهادشي كامل والناس كتشوف حومتها تستعمر والمخزن كيتفرج ومكاين حتى شسي فايدة تذكر كائن طفيلي كيحل قنت وكيبدى يتخلص بلا مايخلص لا ضريبة بلا متعرفو الدولة شحال كيشد.

مدن بحال الرباط وفاس مثلا مافيهم حتى شركة لي شادة مرابد السيارات، ومع ذلك كل الزناقي فيهم عساس، آش كيحضي الله وعلم خصوصا في زمن الكاميرات، وهادو راه فلوس كثار كيضيعو غير هكاك راه الى كان سيكتور كتفوتوا البلدية ب 500 مليون مثلا عاد شحال تحت الطبلة يعني راه لي شراوه كيدخلوا الضوبل راه مليار هاداك، حاليا شكون لي كيدخل هاد الفلوس هوما ناس جاو وسيطرو على الزناقي كل واحد وطريقتو كاين لي صحة وكاين لي خاطر وكاين لي بتبحليس وتعاطف الناس حتى وكيولي هو ربكم الأعلى في الشارع كولشي على يديه والناس كتعطيه غير خايفين على طوموبيلاتهم لاتوقع ليهم شي حاجة، هادوك الفلوس راه كلها كتمشي لهاد الناس وهاديك الحالة ديال الحوايج موسخين ومقطعين هاداك راه التوني ديال الخدمة وصافي، أما كاين لي كيدخل حسن من موظف خارج السلم.

إلى متى غادي يبقى الشارع المغربي محتل من طرف صحاب الجيلي وفارضين القوانين ديالهم فيه، المواطن المغربي النفوذ ديالو كينتهي في باب دارو غير كيخرج من باب الدار بحال الى دخل لشي دولة وحدة خرى معادية وخاصو يخلص الجزية منين ماداز وفين ماوقف أو غادي يلحقوا الضرر، هادشي ماشي معقول نهائيا الشارع والغابة والخلا راه ملك لجميع المغاربة ماشي لمغربي واحد خاص تخلصوا الى بغيتي توقف فيهم، راه هذا نوع من الإجتياح غير هو ماشي من طرف خارجي بل من عدو داخلي حول شوارع المغرب لمستعمرة جديدة للأسف.

اشترك في النشرة البريدية لتصلك آخر الأخبار
أضف تعليقك
بارسالك للتعليق انت توافق على قوانين مجتمع السفير
تعليقات الزوار 0
اخر الأخبار
صوة وصورة