مومو البولفار:80 ألف واحد لي جاو يتفرجو فالروابة.. وعصابات دخلات للمهرجان باش تشفر وتهرس – فيديو

مومو البولفار:80 ألف واحد لي جاو يتفرجو فالروابة.. وعصابات دخلات للمهرجان باش تشفر وتهرس – فيديو
الاثنين 5 ديسمبر 2022 - 08:32

أسماء غربي – كود//

خرج مومو “مول البولفار” قبل قليل بفيديو تنشر فالصفحة الرسمية ديال المهرجان ودوا على تفاصيل داكشي لي عاشو الجمهور البارح فكازا.

https://www.instagram.com/tv/CjLkuyeKdsW/?igshid=NmNmNjAwNzg=

مومو قال أن البروكَراماسيون كانت ثقيلة وفيها روابة عندهم جمهور، وملي وصلات الصمنية كان 20 ألف واحد وسط التيران و60 ألف واحد فالخارج كيتسناو يدخلو ويتفرجو في الروابة المفضلين ديالهم.

المتحدث قال أن المنظمين والبوليس مقصروش في المجهودات لكن باش تجيري 80 ألف واحد ديال الناس كان صعيب، ولي خايب في هادشي أنه كانو عصابات لي باغين يهرسو وشفرو ويضربو وخلقو مشكلة أمنية الداخل، والسيكوريتي كلاو العصى.

مومو أكد على أن 30 واحد لي تجرح، وعبر على التضامن ديالو الكبير معاهم، وقال أنهم غادي يمشي يزورهم في السبيطار فين داخلين، وأكد أن هادشي لي وقع ما عندو بجمهور البولفار.

 

اشترك في النشرة البريدية لتصلك آخر الأخبار
أضف تعليقك
بارسالك للتعليق انت توافق على قوانين مجتمع السفير
تعليقات الزوار 0
اخر الأخبار
صوة وصورة